លោក​អគ្គនាយក​ក្រុមហ៊ុន​គង់ នួន គ្រុប ដែលជា​ក្រុមហ៊ុន​តែមួយគត់ ទទួលបាន​សិទ្ធិផ្តាច់មុខ​ក្នុងការ​ចែកចាយ​ម៉ូតូ​យ៉ាម៉ាហា​ប្រចាំ​ប្រទេស​កម្ពុជា លោក​មាន​សេចក្តី​រីករាយ​ក្រៃលែង​ដែល​បាន​នាំចូល​ម៉ូ​ដែល​ថ្មី​បំផុត ដើម្បី​បំពេញ​សេចក្តីត្រូវការ​របស់​ប្រជាជន​កម្ពុជា​។ លោក​បន្តទៀតថា​៖« ការទន្ទឹងរង់ចាំ​រប​ស់​អតិថិជន  និង​ឆ្លើយតប​ទៅនឹង​តម្រូវការ​ទីផ្សារ​ម៉ូតូ ដែលមាន​ការកើនឡើង​ឥតឈប់ឈរ និង​កាន់តែ​ស៊ី​វិ​ល័យ​ពី​សំណាក់​អ្នកប្រើប្រាស់​»​។​
                ​ប្រទេស​កម្ពុជា ជា​ប្រទេស​ដែល​កំពុងតែ​មានការ​អភិវឌ្ឍ​ន៍​លើ​គ្រប់​វិស័យ និង​មានកំណើត​សេដ្ឋកិច្ច​រីកចំរើន​គួរអោយ​គាត់​សម្គាល់ តាមរយៈ​នៃ​ការរីកចំរើន​ឥតឈប់ឈរ​នេះ​ធ្វើអោយ​ជីវភាព​ប្រជ​ជនកម្ពុជា​យើង​កាន់​ល្អ​ប្រសើរឡើង កាន់តែ​ស៊ី​វិ​ល័យ ក្នុងនោះ​រួមទាំង​មធ្យោបាយ​ធ្វើដំណើរ​ប្រចាំថ្ងៃ​ផងដែរ​។​ 
               ដោយ​មើលឃើញ​ពី​សេចក្តីត្រូវការ​ទាំងនេះ ទើប​ក្រុមហ៊ុន គង់ នួន គ្រុប សម្រេច​នាំចូល​ម៉ូ​ដែល​ថ្មី​មួយទៀត​គឺ YAMAHA QBIX 2018 ដែល​ផលិត​នៅក្នុង​ប្រទេស​ថៃ​។  YAMAHA QBIX 2018 គឺជា​ម៉ូតូ​ដែលមាន រូបរាង​រចនា​ឡើង​ស្អាត​ប្លែក​ដាច់​ពី​គេ និង​បំពាក់​ដោយ​បច្ចេកវិទ្យា​ទំនើបៗ​ដូចជា​៖
១. កុង​ទ័​រ LCD Digital ដែលមាន​តួរ​នាទី​ជាច្រើន​ដូចជា​៖ 
-​កុង​ទ័​រ​គីឡូ​ម៉ែត 
-​កុង​ទ័​រ​ម៉ោង ប្រាប់​ពី​ពេលវេលា​
-​និង​កុង​ទ័​រ​សាំង (​អាចអោយ​យើង​ដឹងថា​មួយ​លីត្រ​សាំង ជិះ​បាន​ប៉ុន្មាន​គីឡូ​ម៉ែត​)
២. ប្រអប់​សាក​ថ្ម​ទូរស័ព្ទ អស់​កង្វល់​រឿង​ទូរស័ព្ទ​អស់​ថ្ម ទោះ​នៅទីណា កន្លែង​ណាក៏ដោយ
​៣. សោរ​តេ​ឡេ​បញ្ជា (Smart Key)
៤. ប្រព័ន្ធ​ហ្វ្រាំង ABS ដែល​អាច​កាត់​បន្ថយល្បឿន​ប្រកបដោយ​សុវត្ថិភាព​នៅពេល​មាន​ឧបសគ្គ​នៅក្នុងពេល​បើ​បរ
​៥. ទំហំ​កង់​មុខ កង់​ក្រោយ ធំ ជំនួយ​ដល់​ការ​ទប់​លំនឹង​ក្នុងពេល​បើកបរ​គ្រប់​ស្ថានភាព​ផ្លូវ​
៦. ប្រព័ន្ធ​ភ្លើង​មុខ និង​ក្រោយ ប្រើប្រាស់​នូវ​ប្រភេទ​អំពូល LED និង កញ្ចក់ LCD Digital ដែល​ធ្វើអោយមាន​ពន្លឺ​ច្បាស់​ល្អ​ចែងចាំង​ដូច​គ្រាប់ពេជ្រ​។​
៧. ប្រព័ន្ធ​ពន្លត់​ម៉ាស៊ីន​ដោយ​ស្វ័​រ​ប្រវត្តិ (Stop Start System) ជួយ​កាត់បន្ថយ​ការប្រើប្រាស់​សាំង នៅពេល​ឈប់​Stop
៨. ប្រអប់​ក្រោម​កែប​ធំ​ទូលាយចំណុះ 22.5L អាចដាក់​ពួក​សុវត្ថិភាព​និង​របស់​ផ្រេ​ងៗ បាន​យ៉ាង​ងាយស្រួល ​អស់​កង្វល់​ពី​រឿង​ចោរឆក់​តាមផ្លូវ​ជាពិសេស​សម្រាប់​សុភាពនារី​។
​៩. កាន់តែ​ពិសេស​ជាងនេះទៅទៀត YAMAHA QBIX 2018 បំពាក់​ដោយ​ប្រព័ន្ធ​ម៉ាស៊ីន Blue Core ដែល​ផ្តល់​អត្ថប្រយោជន៍​ដ៏​អស្ចារ្យ​ក្នុងការ​ប្រើប្រាស់​ប្រចាំថ្ងៃ​ដូចជា​÷​
​-​ជួយ​សន្សំសំចៃ​សាំង​រហូតដល់ ៥០%​ ​
-​ជួយ​កាត់​បន្ថយកំដៅ​ម៉ាស៊ីន​​ ​
-​ជួយ​បង្កើន​សន្ទុះ​ម៉ាស៊ីន ​ ​
-​ជួយ​កាត់បន្ថយ​សំលេង​រំខាន​ពី​ម៉ាស៊ីន​
                    YAMAHA QBIX 2018 បាន​រំលេច​នូវ​ភាព​ទាក់ទាញ​នៃ​ក្រសែភ្នែក ពី​មនុស្ស​គ្រប់គ្នា​តាមរយៈ​ការ​រចនា​ដ៏​ល្អ​ឯក បង្កើន​ទំនុកចិត្ត​ខ្ពស់បំផុត​ដល់​អ្នកប្រើប្រាស់​តាមរយៈ​ប្រព័ន្ធ​បច្ចេកវិទ្យា​ដ៏​ទំនើប​ទាន់សម័យ​និង​គុណភាព​ខ្ពស់​។ កត្តា​ទាំងនេះហើយ​ទើប​ធ្វើអោយ ក្រុមហ៊ុន​គង់ នួន គ្រុប សម្រេច​នាំចូល​ម៉ូ​ដែល​នេះ ដើម្បី​ឆ្លើយតប​ទៅនឹង​ការចង់បាន ការ​ទទឹង​រងចាំ​ពី​អ្នក​គ្រប់គ្នា​។
 ​                    លោក Yasutoshi Morikawa មាន​ទួ​នាទី​ជា ប្រធាន​ផ្នែក​លក់ នៃ​ក្រុមហ៊ុន ម៉ូតូ​យ៉ាម៉ាហា ម៉ូ​ទ័​រ ប្រទេស​ជប៉ុន ប្រចាំ​តំបន់​អាស៊ាន​បាន​លើ​ឡើង​ថា​៖ យ៉ាម៉ាហា ម៉ូ​ទ័​រ​ត្រូវបាន​ផ្តាច់ខ្លួន​ដោយ​ឯករាជ្យ​ពី YAMAHA MUSIC នៅ​ឆ្នាំ ១៩៥៥ បន្ទាប់មក​យើង​បាន​ពង្រីក​អាជីវកម្ម​របស់​យើង​កាន់តែ​ធំ​ទៅៗ ហើយ​បច្ចុប្បន្ននេះ​យើង​មាន ១៤ ផលិតផល​ផ្សេងគ្នា និង​មាននៅ​ជាង​២០០​ប្រទេស​នៅក្នុង​សកលលោក​។​
                     ​លោក​មាន​ជំនឿ​ចិត្ត​យ៉ាង​មុតមាំ មិន​គ្រាន់តែ​ផលិត ផលិតផល​មួយ​អោយ​ចេះតែ​បាន​នោះទេ តែ​ក៏បាន​ផ្តល់នូវ​សេវាកម្ម​ដ៏​ល្អប្រសើរ​ក្នុងនាម​ជា​ម៉ាក​សញ្ញា​របស់​ប្រទេស​ជប៉ុន ដែល​ត្រូវបាន​ទទួលស្គាល់​ទូទាំង​ពិ​ភ​លោក​។​
                     ជាក់ស្តែង​នៅក្នុង​ឆ្នាំនេះ ការលក់​ផលិតផល​ម៉ូតូ ប្រហែល ៣ លាន​គ្រឿង​នៅក្នុង​ប្រទេស​តំបន់​អាស៊ាន ជាពិសេស​ម៉ូតូ YAMAHA ត្រូវបានគេទទួលស្គាល់​ថា​ជា​ផលិតផល ដែលមាន​ការ​រចនា​ឡើង​បែប សម័យ​ទំនើប និង បែប​ស្ព័​រ ទំនើប​ទាន់សម័យ​។​
                     ​ដូច្នេះ​ដើម្បី​លើកកម្ពស់ ភាពទំនើប​ទាន់សម័យ​នេះ ម៉ូត​ដែល​ថ្មី​របស់​យ៉ាម៉ាហា គឺ YAMAHA QIBX ផលិត​នៅក្នុង​ប្រទេស​ថៃ ហើយ​យើង​មាន​ភាពជឿជាក់​យ៉ាង​មុតមាំ​ថា ម៉ូ​ដែល​ថ្មី​នេះ ប​ង្តើ​ត​ភាព​រីករាយ​សម្រាប់​គ្រប់ៗ​គ្នា សម្រាប់​បំរើ​សេចក្តីត្រូវការ​ទីផ្សារ​ម៉ូតូ​ក្នុងប្រទេស​កម្ពុជា​។​ពាក្យស្លោក​របស់​យើង​គឺ “Revs Your Heart” “​បំពេញចិត្ត​អ្នក​”​។​
                     ​ពាក្យស្លោក​នេះ​មានន័យថា “​កំលាំង​ជម្រុញ​នៃ​ការច្នៃប្រឌិត​ឥតឈប់ឈរ​” យើង​ខិតខំ​បង្កើត​នូវ​គុណ​តម្លៃ និង​បទពិសោធន៍​ដ៏​វិសេសវិសាល​មួយ​សម្រាប់​ការរស់នៅរ​បស់​អតិថិជន៕