កាលពីថ្ងៃទី ២៦ ខែសីហា ឆ្នាំ 2016 ក្រុមហ៊ុនគង់នួនគ្រុប បានរៀបចំនូវពិធី បើក​សម្ពោធប្រកាសជាផ្លូវការដាក់ដំណើរការលក់ ត្រាក់ទ័រយ៉ាន់ម៉ាម៉ូឌែលថ្មី EF 72 5T របស់ផលិតផល YANMAR នៅសណ្ឋាគារអង្គរសុខា ខេត្តសៀមរាប។
​​​​              លោកឧកញ្ញ៉ា គង់ នួន ប្រធានក្រុមហ៊ុនគង់នួនគ្រុប បានមានប្រសាសន៍ថា ឆ្លងកាត់អស់​រយះពេលជាង ២៥ឆ្នាំកន្លងមកនេះក្រុមហ៊ុន គង់នួន គ្រុប បាននឹងកំពុងនាំចូលនិងចែកចាយផលិតផលជាច្រើនប្រភេទ ជាមួយនឹងការគាំទ្រពីសំណាក់អតិថិជន នាំឲ្យទទួលបានជោគជ័យជាបន្តបន្ទាប់។ យើងដឹងហើយថា សេដ្ឋកិច្ចរបស់ប្រទេសពីមួយឆ្នាំទៅមួយឆ្នាំមានការរីកចម្រើនគួរឲ្យកត់សម្គាល់ដូចជាផ្នែកទេសចរណ៍, កសិកម្ម, ឧស្សាហកម្ម, និងសំណង់ ហើយជីវភាពរស់នៅរបស់ប្រជាជនក៏មានការរីកចម្រើន និងកាន់តែស៊ីវីល័យផងដែរ ។ ដោយមើលឃើញពីស្ថានភាពដ៏ល្អប្រសើរនេះទើបក្រុមហ៊ុន គង់នួនគ្រុប សម្រេចនាំចូល និងចែកចាយនូវផលិតផលដូចជា៖
​              1.គ្រឿងចក្របម្រើផ្នែកកសិកម្ម គោយន្តម៉ាក YANMAR និង YAMAHA ម៉ាស៊ីនបូមទឹក ជាពិសេសថ្ងៃនេះក្រុមហ៊ុនគង់នួនគ្រុប ចាប់ផ្តើមនាំចូល និងចែកចាយជាផ្លូវការណ៍ផលិតផល YANMAR ម៉ាស៊ីនត្រាក់ទ័រម៉ូឌែលថ្មីរបស់ប្រទេសជប៉ុន។
             2.គ្រឿងចក្របម្រើផ្នែកសាងសង់ផ្សេងៗរួមមាន HITACHI EXCAVATOR សម្រាប់ ជីកកាយដី,BOMAG​​ Roller សម្រាប់កិនបង្ហាប់ដី, Dresstar Bulldozer សម្រាប់ឈួសឆាយ, ជាផលិតផលពីប្រទេសជប៉ុន អាឡឺម៉ង់ ប៉ូទ្បូញ ។
            3.គ្រឿងចក្របម្រើផ្នែកឧស្សាហកម្មម៉ាក TOYOTA  FORKLIFT រថយន្តប្រភេទលើកដាក់ទំនិញ,TADANO​ ដងស្ទូច លើកដាក់ទំនិញ, YAMAHA ម៉ាស៊ីនភ្លើង, CLUB CAR រថយន្ត វាយកូនគោលនិងដំណើរកម្សាន្តផ្សេងៗទៀត ដែលជាផលិតផល របស់ប្រទេសជប៉ុន និងសហរដ្ឋអាមេរិក ។
​​​​​​​​​​​            លោកឧកញ្ញ៉ាបានបញ្ជាក់ថា បន្ទាន់ពីសេវាកម្មផែ្នកលក់យើងតែងតែដាក់គោលដៅជាអាទិភាពដូចជា ការផ្គត់ផ្គង់គ្រឿងបន្លាសសុទ្ធយ៉ាងរហ័សទាន់ចិត្តព្រមជាមួយ សេវាកម្មថែទាំ ជួសជុលមានរថយន្តចល័តក្រុមជាងជំនាញៗដែលបានទទួលការហ្វឹកហ្វឺនពីបរទេសដើម្បីបន្កភាពងាយស្រួលជូនបងប្អូនអតិថិជនរបស់យើងនៅគ្រប់ទីកន្លែង ។លោកឧកញ្ញ៉ា គង់ នួន បានមានប្រសាសន៍ទៀតថាដើម្បីឆ្លើយតបទៅនឹងកំណើននៃការគាំទ្រនិងតម្រូវការអតិថិជនក្រុមហ៊ុន គង់នួនគ្រុប មានសេវាកម្មបង់រំលោះព្រមទាំងបន្តបង្កើនការនាំចូលផលិតផលផ្សេងៗក្នុងប្រទេស។ គួររំលឹកផងដែរថារោងចក្រ YANMAR បង្កើតឡើងជាង១០០ឆ្នាំមកហើយនៅប្រទេសជប៉ុន ត្រូវបានចែកចាយលក់នៅលើទីផ្សារពិភពលោកជាផលិតផលដែលមានឈ្មោះល្បី និងឈានមុខគេនៅលើពិភពលោកជាយូរណាស់មកហើយ។ 
           ក្រុមហ៊ុនគង់ នួន គ្រុប ជាដៃគូក្នុងការនាំចូលចែកចាយផ្តាច់មុខជាផ្លូវការណទៅលើផលិតផល YANMAR ដូចជា ម៉ាស៊ីន ត្រាក់ទ័រ គោយន្តនិងម៉ាស៊ីនច្រូតស្រូវដោយស្វ័យប្រវត្តិ ៕