ក្រុមហ៊ុន គង់ នួន គ្រុប Co.,Ltd បានប្រារព្ធពិធីចុះកិច្ចព្រមព្រៀង ជាផ្លូវការនូវការចែកចាយគ្រឿងចក្រ សាងសង់ផ្លូវថ្នល់ និងគ្រឿងសំណង់ផ្សេងៗម៉ាក BOMAG (ប៊ូមេក) ដែលមានគុណភាពខ្ពស់ សុវត្ថិភាពល្អ ស៊ីប្រេងតិច កម្លាំងខ្លាំង បច្ចេកវិទ្យាទំនើប ធន់ តម្លៃសមរម្យ និងងាយស្រួលក្នុងការបំរើផ្នែកសំណង់ កសិកម្ម និង ឧស្សាហកម្ម ដែលល្បី នឹងឈានមុខគេនៅលើពិភពលោក នៅល្ងាចថ្ងៃទី០១ ខែកញ្ញា ឆ្នាំ២០១៥។           
         លោកអគ្គនាយក ក្រុមហ៊ុន គង់ នួន គ្រុប លោក ឧកញ្ញា គង់ នួន បានថ្លែងថា ឆ្លងកាត់រយៈពេលជាង ២៤ឆ្នាំ កន្លងមក ក្រុមហ៊ុន បាននឹងកំពុង នាំចូលនិងចែកចាយ ផលិតផល ជាច្រើន ប្រភេទ ជាមួយការគាំទ្រពីអតិថិជន ទទួលបានជោគជ័យជាបន្ដបន្ទាប់ ដោយ ដឹងថា សេដ្ឋកិច្ចរបស់ប្រទេសកម្ពុជា ពីមួយឆ្នាំទៅមួយឆ្នាំមានការរីកចម្រើន គួរឲ្យកត់សម្គាល់ ហើយ ជីវភាពប្រជាជនកម្ពុជា ក៏មានការរីកចម្រើន និងកាន់តែស៊ីវីល័យផងដែរ។                            
         លោកអគ្គនាយបន្ដថា“ដូច្នេះហើយទើបខ្ញុំសម្រេចចិត្ដ នាំចូលនូវគ្រឿងចក្រសាងសង់ផ្លូវថ្នល់ គ្រឿងចក្រសំណង់ផ្សេងៗម៉ាក BOMAGនេះ មកកម្ពុជា ដើម្បីឆ្លើយតបទៅនឹងកំណើននៃការគាំទ្រ និងងតម្រូវការអតិថិជន របស់ក្រុមហ៊ុន គង់ នួន គ្រុប Co.,Ltd និងក្រុមហ៊ុន BOMAG បានព្រមព្រៀងសហការគ្នា ផ្គត់ផ្គង់គ្រឿងចក្រសាងសង់ផ្លូវថ្នល់ ជាច្រើនប្រភេទ ដូចជាគ្រឿងចក្រសំណង់ ផ្លូវថ្នល់ ដែលមាន រូទ្បូកិនបង្ហាប់ដី ម៉ាស៊ីនអ៊ុតផ្លូវថ្នល់ គ្រឿងបន្លាស់សុទ្ធល្អប្រណីតជាច្រើនមុខទៀត។                         
         លោក បន្ថែមថា ជាងនេះទៅទៀត លោកមានការជឿជាក់១០០ភាគរយក្នុងចែកចាយ ទៅដល់អតិថិជននៅកម្ពុជាថា នឹងមានកម្រិត ខ្ពស់ហួសពីការគ្រោងទុក ហើយក្នុង នោះក៏មានសេវាកម្មបន្ទាប់ពីការលក់ យើងតែងតែដាក់គោលដៅអាទិភាព ព្រមជាមួយសេវាកម្ម ថែទំាជួសជុលរថយន្ដចល័ត ដើម្បីបង្កភាពងាយស្រួលជូនដល់អតិថិជន គ្រប់ទីកន្លែងទាំងអស់ របស់ក្រុមហ៊ុនផ្ទាល់តែម្ដង។      
              សូមបញ្ជាក់ថា BOMAG បានបង្កើតទ្បើងនាឆ្នាំ ១៩៥៧ នៅប្រទេសអាល្លឺម៉ង់ ត្រូវបានចែកចាយលក់នៅលើទីផ្សារ ១២០ ប្រទេស និង៥០០ ក្រុមហ៊ុន ជាតំណាងចែកចាយ លើពិភពលោកជាយូរណាស់មកហើយ៕